TEKS MC PERNIKAHAN DALAM BAHASA SUNDA

Assalamualaikum Wr.Wb

Ibu – ibu, Bapa – Bapa sareng para wargi sadayana anu sami linggih, hormateun simkuring. Sakumaha ka uninga ku urang sadayana, Alhamdulillah calon panganten pameget miwah rombongan parantos sumping ngaleut ngenkeuy ngabandaleut, ngembat – ngembat nyatang pinang.

Bismillah, purwa wiwitan ieu pamuka carita, nyaeta minangka pamuka acara. Babasan pandika pagawean lamun nangtung ka jungjunan, sing lulus bantun jeung tumbu buah seureuhna. Neda panyaksen ti sadayana iyeu acara  bade dikawitan.

Pangersa calon panganten pameget miwah rombongan. Jagong tuhur meunang ngunun dina pingping haturan wilujeung sumping, di wewengkon (…) tempat pangharepan sarakan keur kulawarga, Ka pihak calon panganten Istri, bisi si jalu hanjelu si lanang honcewang, sumangga geura hiyap calon panganten pameget miwah rombongan.

Tawis panampian tatamu, tanda kameumeut, kadeudeuh, tawis asih ti kakasih, tanda tresna kanyaah, mangga geura kalungkeun eta mangle tawis pangrungrum hate perseka kebersihan manah, ku ibu atanapi wawakil ti pihak calon panganten istri (mangle dikalungkeun), salajeungna dihaturanan linggih ka calon panganten pameget miwah rombongan, di tempat anu parantos disayogikeun.

Muqodimah, Alhamdulillah puji sinareng  syukur  urang tiasa kemepl ngariung di ieu tempat, kalayan aya dina kasehatan, bingah ka giri-giri bagja kumbayangan dina dinten (…………….) ping (……………) dua insan parantos jangji pasini pikeun nyucruk galuh sunah rosul, baris ngahiji ngajahiji ngajatukrami.

Ngadahupna  neng (……) putrina bapak (…….) kalih ibu (……….) ka cep (……..) Putrana (………) kalih ibu (….) namung sateuacanna sim kuring pun (….) baris ngadugikeun rundayan acara nu baris pedar, diantawisna;

1. Bubuka

2. Seren Sumeren ti 2 Pihak calon panganten

3. Simbolisasi Seserahan

4. Walimatul Urusy / akad nikah ku petugas KUA

5. Sungkeman

6. Tutup

Bapa-bapa, Ibu-ibu wargi sadaya nu sami rawuh horamteun sim kuring, sumangga pikeun muka iyeu acara urang sasarengan maos basmallah. Bismillahirrohmanirrohim.

Para haidrin, miwah tatamu sadayana,  khususna ka calon panganten pameget miwah rombongan, pamali mun dilami-lami komo dilia-lia, nu dianti-anti ti titadi, di dago dago ti bareto, ayeuna parantos nyampak.

Sok sanaos sami surti, sami uningan maksadna, nanging, kanggo nyumponan tindak tanduk tata titi duduga peryoga, Teu cekap ku surti sareng tekad wuungkul, namung kedah disareng ku ucap. Ku kituna, sumangga ka pangersa kasepuhan calon panganten pameget dihaturanan ka payun kanggo ngadugikeunnana.

Para wargi sadayana, nembe sami-sami nyakseni gerentes kalbu kasepuhan ti pihak calon panganten pameget miwah rombongan, Lain lantung tambuh laku sanes lunta tanpa seja, purwa aya dimaksad, seja ngaitkeun janji pasini, manjangkeun tali babarayaan. Sakeser daun satangkal, sabungkus bareng jeng bungkusna rupina bade nyerahkeun calon panganten pameget sareng cacandakannana. Sim kuring saukur darma, teu wasa panjang carita, Kanggo pangwalerna baris di langsung didugikeun waktos sareng tempatna.

Para wargi sadayana, bungah amarawata suta, bingah ka giri-giri, bingah nu taya papadana, Nugar cadas mangih emas, mabok manggih gorowong, aya jalan komo mentas, Jalan gede sasapuan batu turun geusik naek, itu purun iyeu daek, laksana nya pamaksadan.

Salajengna simbolisasi seren sumeren mangga ka ibu calon panganten pameget kanggo ngadugikeunnana ditampi ku ibu calon panganten istri. (cacdakan nu sanesna tiasa dipapaykeun ka lebet).

Para wargi sadayana, Niti wanci nu mustari, niggang mangsa nu utama. Malati ligarna ati, campaka mangkak na dada, koleak sakembaran, koceak ninggang ugana. Uga pakaitna tatali asih, ngahadupna Neng (…………..) ka cep (………….). Jangji urang pastikeun subaya urang nyatakeun, Nu diseja nayeta neda panyakseni ti para wargi sadayana, upacara akad nikah seja dikawitan. Nanging sateacan dikawitan, diuningakeun ka sadaya hadirin supados lumampah ka tempat anu disayogikeun dina resepsi akad tikah anu insya allah tempatna bade dilaksanakeun di Masjid Jami Al Huda, kuhal sakitu sim kuring atas name pengatur acara nyuhunkeun dihapunteun bilih aya cariosan pondok nyogok panjang nyugak, sakitu kapihatur, Wassalamualaikum